तिहारपछि खुलेको सेयर बजारको पहिलो दिन परिसूचक दोहोरो अंकले ओरालो लागेको छ। लक्ष्मीपूजादेखि बन्द रहेको बजार सोमबार खुलेको हो। आज १९.२० अंक घट्दै परिसूचक २८२९.६५ अंक कायम भएर बजार बन्द भएको छ।
कारोबार भएका कम्पनीहरूमध्ये सोमबार ४२ वटाको मात्र मूल्य बढेको छ। १४२ कम्पनीको मूल्य कम भएको छ भने तीन कम्पनीको मूल्य स्थिर छ।
कारोबार रकम पनि आज कम छ। लक्ष्मीपूजाको अघिल्लो दिनसम्म करिब साढे छ अर्बको कारोबार भइरहेकामा सोमबार ४ अर्ब ४२ करोड बराबरको मात्र सेयर किनबेच भएको छ।
आज दस प्रतिशत मूल्य बढ्ने दुई कम्पनी छन्, आइसिएफसी फाइनान्स र साहज ऊर्जा। यसबाहेक तेह्रथुम पावर र मानुषी लघुवित्तको ९.९९ प्रतिशतले बढेको छ।
हेर्नुहोस् आज सबभन्दा धेरै कमाउने पाँच कम्पनीहरूः
आइसिएफसी फाइनान्सः १० प्रतिशत
साहस ऊर्जाः १० प्रतिशत
तेह्रथुम पावरः ९.९९ प्रतिशत
मानुषी लघुवित्तः ९.९९ प्रतिशत
महालक्ष्मी विकास बैंकः ९.८४ प्रतिशत
आज सबभन्दा धेरै गुमाउने पाँच कम्पनीहरूः
सपोर्ट माइक्रोफाइनान्स -७.९६ प्रतिशत
पाँचथर पावरः -४.९५ प्रतिशत
कालिका पावरः -४.७० प्रतिशत
हिमालयन ऊर्जा विकासः -४.३० प्रतिशत
जोशी हाइड्रोपावरः -४.२८ प्रतिशत
