तिहारपछि खुलेको सेयर बजारको दोस्रो दिन पनि परिसूचक दोहोरो अंकले ओरालो लागेको छ।
मंगलबार ७९.७९ अंकले घट्दै परिसूचक २७४९.८६ अंक कायम भएर बजार बन्द भएको छ।
लक्ष्मीपूजादेखि बन्द रहेको बजार सोमबार १९.२० अंकले घटेको थियो।
मंगलबार कारोबार भएका कम्पनीहरूमध्ये ७ वटाको मात्र मूल्य बढेको छ। १७९ कम्पनीको मूल्य कम भएको छ भने एक कम्पनीको मूल्य स्थिर छ।
अंक ओरालो लागे पनि सोमबारको तुलनामा मंगलबार कारोबार रकम बढेको छ। सोमबार ४ अर्ब ४२ करोड बराबरको मात्र सेयर किनबेच भएकामा मंगलबार ६ अर्ब ५२ करोड बढीको कारोबार भएको छ।
आज दस प्रतिशत मूल्य भने कुनै कम्पनीको बढेको छैन। सबभन्दा धेरै मानुषी लघुवित्त, साहस ऊर्जा र तेह्रथुम पावरको छ। यिनीहरूको मूल्य ९.९९ प्रतिशतले बढेको छ।
यीबाहेक अरू कम्पनीको दुई प्रतिशतभन्दा कम मूल्य बढेको छ।
हेर्नुहोस् आज सबभन्दा धेरै कमाउने पाँच कम्पनीहरूः
मानुषी लघुवित्तः ९.९९ प्रतिशत
साहस ऊर्जाः ९.९९ प्रतिशत
तेह्रथुम पावरः ९.९९ प्रतिशत
युनिलिभिर नेपालः १.७३
प्राइम कमर्सियल बैंकः १.५७ प्रतिशत
आज सबभन्दा धेरै गुमाउने पाँच कम्पनीहरूः
आइसिएफसी माइक्रोफाइनान्सः -१० प्रतिशत
महालक्ष्मी विकास बैंकः -१० प्रतिशत
मिथिला लघुवित्तीयः -७.४२ प्रतिशत
गुडविल फाइनान्सः -६.८५ प्रतिशत
सामुदायिक लघुवित्तः -६.८३ प्रतिशत
