बैंकहरूले तोके मुद्दती बचतमा नयाँ ब्याजदर, हेर्नुहोस् कुनको कति? (सूची)

सेतोपाटी संवाददाता

काठमाडौं, मंसिर १

बैंक तथा वित्तीय संस्थाहरूले मुद्दती बचतमा नयाँ ब्याजदर सार्वजनिक गरेका छन्।

विभिन्न बैंकहरूले मंसिरदेखि लागू हुने गरी नयाँ ब्याजदर आफ्नो वेबसाइटमा सार्वजनिक गरेका हुन्।

यसअघि धेरै बैंकहरूले मुद्दती बचतमा ९.३६ प्रतिशतभन्दा ब्याज दिएका थिए। राष्ट्र बैंकले आइतबार नयाँ निर्देशन जारी गर्दै बैंकहरूलाई औसतमा ब्याजदर निर्धारण गर्न भनेको थियो।

सबै बैंकले आफ्नो निक्षेपको अधिकतम औसत ब्याजदर निकाली त्यसमा १० प्रतिशत थपघट गरेर मात्र नयाँ ब्याजदर तोक्नुपर्नेछ।

यसनिम्ति बैंकहरूले आ-आफ्नो निक्षेपको औसत ब्याजदर निकालेर त्यही औसतका आधारमा नयाँ ब्याजदर कायम गरेका हुन्।

अहिले अधिकांश बैंकले मुद्दतीमा अधिकतम ब्याजदर १०.०५ प्रतिशत पुर्‍याएका छन्।

निर्देशनअनुसार बैंकहरूले ब्याजदर मासिक रूपमा मात्र निर्धारण गर्न पाउनेछन्। त्यस्तै नयाँ ब्याजदरको सूचना आगामी महिना सुरू हुनुभन्दा अगाडि नै प्रकाशन गरिसक्नु पर्नेछ।

हेर्नुहोस् बैंकहरूले मुद्दतीमा बचतमा मंसिरदेखि लागू हुने गरी तोकेको ब्याजदरः

*बैंक*	*मुद्दतीको ब्याज अधिकतम (प्रतिशतमा)*
एनआइसी एसिया	१०.०५
सिद्धार्थ बैंक	१०.०५
सिभिल	१०.०५
सेन्चुरी	१०.०५
कुमारी	१०.०५
प्राइम	१०.०५
एनएमबी	१०.०५
माछापुच्छ्रे	१०.०५
सिटिजन्स	१०.०५
ग्लोबल आइएमई	१०.०५
हिमालयन	१०.०५
सनराइज	१०.०५
कृषि विकास	१०.०५
नबिल	१०.०५
मेगा	९.९६
एसबिआई	१०.०५
राष्ट्रिय वाणिज्य	९.११
प्रभु	१०.०५
एभरेस्ट	१०.०५
सानिमा	१०.०५
बिओके	१०.०५
एनसिसी	१०.०५
लक्ष्मी	१०.०५
नेपाल इन्भेस्टमेन्ट	१०.०५
नेपाल बंगलादेश	१०.०५