केही दिनदेखि स्थिर रहेको नेप्से परिसूचक बुधबार भने दोहोरो अंकले घटेको छ। बुधबार बजार २१.९७ अंकले घटेको हो।
आज नेप्से १.१० प्रतिशतले घटेर १९७३.३८ बिन्दुमा पुगेर बन्द भएको छ।
यस दिन २२४ वटा धितोपत्रको १ अर्ब १२ करोड ६२ लाख १७ हजार ८६२ रुपैयाँ बराबरको कारोबार भएको छ।
बुधबार हिमालयन एभरेष्ट इन्स्योरेन्सको संस्थापक शेयरको मूल्य सबैभन्दा धेरै १० प्रतिशतले बढेको छ। त्यस्तै, आरबिबि म्युचुअल फण्ड–१ को इकाइ मूल्य १.९७ प्रतिशतले बढेर प्रति इकाई मूल्य ७ रुपैयाँ ७५ पैसा कायम भएको छ।
यस दिन सेयर मूल्य सर्वाधिक घट्नेमा हिमालयन पावर पार्टनर रहेको छ। कम्पनीको सेयर मूल्य ६.८६ प्रतिशतले घटेर प्रतिकित्ता मूल्य ३३८ रुपैयाँ २० पैसामा झरेको छ।
त्यस्तै, अपर सोलु हाइड्रोपावरको सेयर मूल्य ५.२२ प्रतिशतले घटेर प्रतिकित्ता मूल्य ३४१ रुपैयाँ २० पैसा कायम भएको छ।
यस दिन सर्वाधिक सेयर खरिद–बिक्री भने नेपाल दूरसञ्चार कम्पनीको भएको छ। कम्पनीको १० करोड ७४ लाख रुपैयाँ बराबरको सेयर खरिद–बिक्री भएको हो।
सो कम्पनीको सेयर मूल्य प्रतिकित्ता ९२७ रुपैयाँ कायम भएको छ। यो मूल्य अघिल्लो दिनको तुलनामा १.२९ प्रतिशत घटेको हो।
सर्वाधिक सेयर खरिद–बिक्री हुने दोस्रो कम्पनीमा रिडी पावर कम्पनी रहेको छ। उक्त कम्पनीको ५७९ रुपैयाँमा ६ करोड ४० लाख रुपैयाँ बराबरको सेयर कारोबार भएको छ।
त्यस्तै, आज कारोबारमा आएका १३ वटा समूहगत परिसूचकमध्ये सबै समूहको परिसूचक घट्दा समग्र नेप्से घटेको हो।
यस दिन वित्त समूहको परिसूचक सर्वाधिक २.४२ प्रतिशत र जलविद्युत समूहको परिसूचक २.१७ प्रतिशतले घटेको छ।
त्यस्तै वित्त, होटल्स तथा पर्यटन, विकास बैंक, उत्पादन तथा प्रशोधन, अन्य, लघुवित्त र जीवन बीमा समूहको परिसूचक १ प्रतिशतभन्दा बढीले घटेको छ।
