राधी विद्युत कम्पनीले असोज ५ गतेदेखि हकप्रद सेयर निष्कासन गरेको छ ।
कम्पनीले हाल कायम चुक्ता पुँजी ६४ करोड ६४ लाख ४ हजार ६२२ रुपैयाँको १ सेयर बराबर नयाँ १.४७५२ कित्ता सेयर १०० रुपैयाँ अंकित दरका ९५ लाख ३५ हजार ७६० कित्ता हकप्रद निष्कासन गरेको हो।
हकप्रद निष्कासनका लागि कम्पनीले भदौ १२ गते बुक क्लोज गरिसकेको छ। यस आधारमा भदौ १० गतेसम्म कायम सेयरधनीहरूले मात्र उक्त हकप्रद सेयरमा आवेदन दिन सक्नेछन्।
उक्त हकप्रद सेयरमा असोज २५ गतेसम्म आवेदन दिन सकिनेछ।
हकप्रद सेयरको बिक्री प्रबन्धकमा मुक्तिनाथ क्यापिटल लिमिटेड रहेको छ।
कम्पनीको हकप्रदमा मुक्तिनाथ क्यापिटल तथा मुक्तिनाथ विकास बैंकको इटहरी, पोखरा, नागढुंगा, नारायणगढ, सुर्खेत, नेपालगञ्ज, विराटनगर, जनकपुर, र लमजुङको बेसीशहर शाखा कार्यालयबाट आवेदन दिन सकिनेछ।
साथै, मेरोसेयर वेबसाइट, एप, धितोपत्र बोर्डबाट सी–आस्बा अनुमति प्राप्त सम्पूर्ण बैंक तथा वित्तीय संस्थाबाट आवेदन दिन सकिनेछ।
हाल कम्पनीको चुक्ता पुँजी ६४ करोड ६४ लाख ४ हजार ६२२ रुपैयाँ रहेको छ। हकप्रद निष्कासनपछि उक्त पुँजी १ अर्ब ५९ करोड ९९ लाख ८० हजार ७२१ रुपैयाँ पुग्नेछ।
