अब बैंक अफ काठमाण्डूको सबै एटिएम तथा पिओएसमा मास्टरकार्ड प्रयोग गरी कारोबार गर्न सकिने भएको छ।
राष्ट्रिय तथा अन्तर्राष्ट्रिय मास्टरकार्ड प्रयोगकर्ता ग्राहकहरूले अब बैंकको जुनसुकै एटिएम तथा पिओएस मर्चेन्टहरूमार्फत कारोबार गर्न सक्नेछन्।
हाल यस बैंकको एटिएम तथा पिओएसमा भिसा र युनियन पे को नेटवर्कबाट जारी भएको कार्डहरू मात्र कारोबार गर्न मिल्ने व्यवस्था रहेको थियो।
हाल प्रयोगमा आएका भिसा र युनियन पे सहित मास्टरकार्डको नेटवर्कबाट जारी भएका सम्पूर्ण कार्डहरूको भुक्तानी बैंकको सबै एटिएम तथा पिओएसको माध्यमबाट गर्न सकिने बैंकले बताएको छ।
साथै, बैंकले मास्टरकार्डसँग सहकार्य गरी निकट भविष्यमा नै मास्टरकार्ड जारी गरी आफ्नो ग्राहकहरूलाई मास्टरकार्ड उपलब्ध गराउने छ।
अब मास्टरकार्ड बाहक ग्राहकहरूले बैंकले विभिन्न स्थानमा राखेको एटिएम तथा विभिन्न होटल, रेस्टुरेन्ट, फिटनेस सेन्टर, स्टोर, अस्पताल, स्वास्थ्य क्लिनिक, इन्स्टिच्युट लगायतका स्थानमा सेवा तथा सुविधापछि आफूसँग भएको मास्टरकार्ड प्रयोग गरी भुक्तानी गर्न सक्ने बैंकले बताएको छ।
हालसम्म बैंकले १०३ शाखा कार्यालय, ९७ एटिएम र १० एक्स्टेन्सन काउन्टरबाट ग्राहकहरूलाई बैंकिङ सेवा तथा सुविधा प्रदान गर्दै आइरहेको छ।
