नेपाल टेलिकम, दूरसञ्चार कार्यालय गल्याङले स्याङ्जाको लल्याङमा पिएसटिएन तथा एडिएसएल सेवाको विस्तार गरेको छ ।
विस्तारपछि लल्याङका करिब ५० घरधुरी पिएसटिएन तथा एडिएसएल सेवाको उपभोग गर्न पाउने नेपाल टेलिकम गल्याङ्का कार्यालय प्रमुख रामराज उपाध्यायले बताए।
गल्याङस्थित नेपाल टेलिकमबाट करिब दुई किलोमिटरको दुरीमा रहेको लल्याङमा करिब पाँच वर्ष अघिदेखि उक्त सेवा विस्तारको प्रयास गरिएको थियो।
हाल आएर नयाँ नेटवर्किङ गरि सम्पन्न भएकोमा खुशी लागेको त्यहाँका वडा अध्यक्ष महेश भट्टराइले जानकारी दिए ।पिएसटिएन (पब्लिक स्विच्ड टेलिफोन नेटवर्क) फिक्ड ल्याण्डलाइन हो। जसबाट पाँच एमबीपिएससम्म स्पिड क्षमताको ब्रोडव्याण्ड एडिएसएल इन्टरनेट सस्तो दरमा चलाउन सकिन्छ ।
