सेलकमले संचालनमा ल्याउन लागेको सेलपे सेवाले नेपाल राष्ट्र बैंकबाट अनुमति प्राप्त गरेको छ।
यो सेवा प्रयोग गरेर मोबाइल तथा वेब एप्लीकेशनको माध्यमबाट बैंक खाता प्रयोग गरी विभिन्न भूक्तानी तथा रकम स्थानान्तरण गर्न सकिने छ। सेलपे सेवा अन्तर्राष्ट्रिय स्तरको पिसिआइ/डिएसएस सुरक्षा प्रणाली अपनाएर विकसित गरिएको भनाइ छ।
कम्पनीका अनुसार विभिन्न दूरसंचार सेवा, विजुली, खानेपानी, टिभी, इन्टरनेट महशुल भुक्तानी, विभिन्न पसल, रेष्टुरेन्ट, सिनेमा हल, एक बैंकबाट अन्य बैंकमा रकम स्थानान्तरण, स्वदेशभित्र गरिने मनी ट्रान्सफर, आदि कामको लागि नेपाली उपभोक्तालाई लक्षित गर्दै भुक्तानी सेवा “सेलपे” को सुरुवात गर्न लागेको हो ।
यस सेवा मार्फत हुने सम्पूर्ण कारोवार बैंकिङ प्रणाली मार्फत सम्पन्न हुनेछ। सेलपे सेवासंग आवद्ध बैंकका ग्राहकले सहज रुपमा यो सेवा लिन सक्ने कम्पनीले जनाएको छ। सेलपे सेवा गुगल प्लेस्टोर तथा एप्पल एपस्टोरमा उपलब्ध छ।