पनौती–बनेपा सडकखण्डअन्तर्गत पनौती नगरपालिका–५ आइटी पार्क नजिकै गाडीले ठक्कर दिँदा मोटरसाइकल चालकको मृत्यु भएकोे छ।
शनिबार राति पनौतीबाट बनेपातर्फ आउँदै गरेको बा ७ ३ प ७५०२ नम्बरको मोटरसाइकललाई ठक्कर दिँदा मोटरसाइकल चालकको मृत्यु भएको इलाका प्रहरी कार्यालय बनेपाका प्रहरी निरीक्षक नारायण थापाले बताए।
उनकाअनुसार मृत्यु हुनेमा सिन्धुपाल्चोक बलेफी गाउँपालिका–६ बस्ने अन्दाजी वर्ष २८ का फुलकाजी तामाङ छन्।
घटनापश्चात उपचारका लागि धुलिखेल अस्पताल लैजाँदै गर्दा उनको बाटोमै मृत्यु भएको र शव अस्पतालमै रहेको प्रहरीले जनाएको छ।
प्रहरी निरीक्षक थापाका अनुसार ठक्कर दिएर फरार रहेको सवारी साधनको खोजी भइरहेको छ।
