सप्तरीमा चट्याङ लागेर दुई जनाको मृत्यु भएको छ।
बिहीबार बोदेबर्साइन नगरपालिका-३ मधुवनका ५६ वर्षीय रामजी यादव र ८० वर्षीय सत्यनारायण यादवको मृत्यु भएको प्रहरी नायब उपरीक्षक माधवप्रसाद काफ्लेले जानकारी दिए।
उनका अनुसार वर्षासँगै परेको चट्याङ लागेर मृत्यु भएको हो।
गाई वस्तु चराउन गएको समयमा चट्याङ लागेर उनीहरूको मृत्यु भएको प्रहरी नायब उपरीक्षक काफ्लेले बताए।
वर्षा भइरहेको बेला एउटै छातामा ओत लागेका दुबैमाथि चट्याङ परेर घटनास्थलमै मृत्यु भएको हो।
घटनाबारे अनुसन्धान भइरहेको जिल्ला प्रहरी कार्यालयले जनाएको छ।
