पिवाइसी इन्टर कलेज टियू बिबिए क्रिकेट प्रतियोगिताको उपाधि आयोजक पब्लिक युथ क्याम्पसले जितेको छ।
शुक्रबार मुलपानी मैदानमा भएको फाइनल भिडन्तमा केसिएमआइटीलाई ९ विकेटको फराकिलो पराजित गर्दै पब्लिक युथ च्याम्पियन बनेको हो।
पहिले ब्याटिङ गरेको केसिएमआइटीले २० ओभरमा ४ विकेटको क्षतिमा ११० रन जोड्यो।
१११ रनको लक्ष्य पब्लिक युथले १३.१ ओभरमा १ विकेटको क्षतिमा पूरा गर्यो।
पब्लिक युथका इर्शाद अलीले नटआउट ३५ रन जोड्दा सन्देश रेग्मी २१ रन र रन्जन प्रसाइले नटआउट ३१ रनको योगदान दिए।
फाइनलको म्यान अफ दि म्याच इर्शाद भए। प्रतियोगिताको उत्कृष्ट ब्याट्सम्यान पब्लिक युथका सुशान्त सिंह १७४ रन जोडेर भए। २ विकेट पनि लिएका उनी म्यान अफ दि सिरिज पनि घोषित भए। यस्तै पब्लिक युथकै सन्देश रेग्मी (११ विकेट) उत्कृष्ट बलर चुनिए।
यसअघि सेमिफाइनलमा पब्लिक युथले सरस्वती कलेजलाई हराउँदा केसिएमआइटीले एनसिसी कलेजलाई पराजित गरेर फाइनलमा स्थान पक्का गरेका थिए।
प्रतियोगिता पब्लिक युथ क्याम्पसको आयोजना र चन्द बदर्श प्रालिको व्यवस्थापनमा भएको हो।
