ललितपुर मेयर महिला च्याम्पियनसिपमा ललितपुर मेयर्स ११ ले जित हात पारेको छ।
ललितपुरले आइतबार कीर्तिपुरस्थित त्रिवि मैदानमा भएको खेलमा लुम्बिनी प्रदेशलाई २७ रनले हरायो।
पहिले ब्याटिङ गरेको ललितपुरले ५ विकेटको क्षतिमा १४४ रन जोड्यो।
उसका लागि मध्यक्रमका ब्याटर सुमन खतिवडाले नटआउट ७७ रन जोडिन्। उनले ५२ बलमा ९ चौका र २ छक्का हिर्काइन्।
ललितपुरका लागि अस्मिना कर्माचार्यले नटआउट २० रनको योगदान दिइन्।
१४५ रनको लक्ष्य पछ्याएको लुम्बिनीले २० ओभरमा ५ विकेटको क्षतिमा ११७ रन जोड्यो।
लुम्बिनीकी सरस्वती जिएमले नटआउट ४६ रन जोडे पनि जितका लागि पर्याप्त हुन सकेन।
यसअघि दिनको पहिलो खेलमा एपिएफले लगातार दोस्रो जित निकाल्ने क्रममा सुदूरपश्चिमलाई हराएको थियो।
