आगामी वैशाख पहिलो साता हुने त्रिदेशीय कप क्रिकेट प्रतियोगिताको पहिलो खेलमा नेपाल र नेदरल्यान्ड्सबीच प्रतिस्पर्धा हुने भएको छ।
वैशाख ४ गते कीर्तिपुरस्थित त्रिवि मैदानमा हुने खेल अपरान्ह सवा दुई बजेदेखि सुरू हुनेछ। वैशाख ५ गते हुने खेलमा नेदरल्यान्ड्स र मलेसियाबीच प्रतिस्पर्धा हुने नेपाल क्रिकेट संघ (क्यान) ले जनाएको छ।
नेपाल, नेदरल्यान्ड्स र मलेसियाबीच हुने प्रतियोगितामा डबल राउन्ड रोबिनका आधारमा हुनेछ। जसमा बढी अंक जोड्ने दुई टिमबीच वैशाख ११ मा फाइनल खेल हुनेछ।
सिरिजका लागि नेपालले २० खेलाडीलाई बोलाएर बन्द प्रशिक्षण गरिरहेको छ।
कोरोना कारण अन्तर्राष्ट्रिय क्रिकेट ठप्प भएपछि नेपालले पहिलो पटक अन्तर्राष्ट्रिय प्रतियोगिता खेल्न लागेको हो।
खेल तालिका
