काठमाडौंमा जारी त्रिकोणात्मक टी–ट्वान्टी क्रिकेट सिरिज अन्तर्गत उद्घाटन खेलमा नेपाल र नेदरल्यान्ड्स प्रतिस्पर्धा गरिरहेका छन्।
त्रिवि क्रिकेट मैदानमा नेपालले टस जितेर पहिले फिल्डिङ रोजेको छ।
नेपालले बलिङ रोजेपछि नेदरल्यान्ड्सले सुरूआतमा ब्याटिङ गर्ने भएको छ।
आशिफ शेख, कुशल भुर्तेल र शाहब आलमले टी–ट्वान्टी अन्तराष्ट्रिय क्रिकेटमा डेब्यू गरेका छन्।
त्रिकोणात्मक टी–ट्वान्टी क्रिकेट सिरिज अन्तर्गत नेदरल्यान्ड्सविरूद्धको खेलबाट ओपनर ब्याट्सम्यान आशिफ, अलराउण्डर कुशल र स्पिनर शाहबले डेब्यू गरेका हुन्।
