नेपाली युवा खेलाडी कुशल भुर्तेलले टी-२० अन्तर्राष्ट्रियको डेब्यू खेलमै अर्धसतक बनाएका छन्।
काठमाडौंमा जारी त्रिकोणात्मक सिरिजको पहिलो खेलमा नेदरल्याण्ड्सविरूद्ध भुर्तेलले अर्धसतक पुरा गरेका हुन्।
२४ वर्षे भुर्तेलले बिस्फोटक ब्याटिङ गर्दै ३० बलमा ४ छक्का र ५ चौकासहित अर्धसतक पुरा गरेका हुन्।
उनलाई अर्का डेब्यू ओपनर आशिफ शेखले २४ रनसहित साथ दिइरहेका छन्।
यो समाचार तयार पार्दासम्म नेपालले ८ ओभरमा बिना कुनै विकेटको क्षतिमा ८२ रनमा खेलिरहेको छ।
यसअघि टस हारेर पहिले ब्याटिङ गरेको नेदरल्याण्डले २० ओभरमा ४ विकेट गुमाएर १३६ रन बनाएको थियो।
नेपालले १३७ रनको लक्ष्य पछ्याइरहेको छ।
नेदरल्यान्ड्सद्वारा नेपाललाई १३७ रनको सामान्य लक्ष्यराजधानीमा आजदेखि सुरू भएको त्रिकोणात्मक सिरिजको पहिलो खेलमा पाहुना टोली नेदरल्याण्ड्सले नेपाललाई १ सय ३७ रनको लक्ष्य दिएको छ ।
त्रिवि क्रिकेट मैदानमा टस हारेर पहिले ब्याटिङ गरेकझ नेदरल्याण्ड्सले निर्धारित २० ओभरमा ४ विकेट गुमाएर १ सय ३६ रन बनायो ।
उसका लागि बासडी लीडेले सर्वाधिक ४१ रन बनाए। यस्तै स्कट इड्रवासले ३०, म्याक्स ओदाउदले १०, कप्तान पीटार सीलारले नटआउट २२ र एनोनियस स्टालले अविजित २० रन बनाए।
बलिङमा नेपालका लागि सन्दीप लामिछानेले सर्वाधिक दुई विकेट लिए । उनले चार ओभरमा २२ रन दिएर दुई विकेट हात पारे । त्यस्तै, साहब आलम र सोमपाल कामीले एक/एक विकेट लिए ।
खराव सुरूवात गरेको नेदरल्यान्ड्ले तेस्रो ओभरमा नै टोलीको मात्र १२ रन हुँदा २ विकेट गुमाएको थियो।
टिमको दोस्रो तथा आफ्नो स्पेलको पहिलो ओभर लिएर आएका सन्दीप लामिछानेले नेपाललाई पहिलो विकेट दिलाएका थिए। उनले दोस्रो ओभरको अन्तिम बलमा नेदरल्यान्ड्सका म्याक्स ओ डोवडलाई एलबीडब्लुको धरापमा पारे।
त्यस्तै नेदरल्यान्ड्सले दोस्रो विकेटको रुपमा बेन कोपरलाई शुन्य रनमा गुमायो। आफ्नो स्पेलको दोस्रो ओभर लिएर आएका सोमपाल कामीले तेस्रो ओभरको चौथो बलमा कोपरलाई एलबीडब्लु धरापमा पारेका थिए।
१४ औं ओभरको पाँचौ बलमा लामो सट खेल्ने चक्करमा इड्वार्ड नेदरल्यान्ड्सको तेस्रो विकेट गुम्यो। ३० रनमा खेलिरहेका इड्वार्ड शाहब आलमको बलमा आरिफ सेखको हातबाट क्याच आउट हुँदै पेभिलियन फर्किएका हुन् ।
बास डे लीडेले स्कट इड्वार्डसँगै मिलेर नेदरल्यान्ड्सको इनिङ सम्हाल्ने प्रयास गरेका थिए। उनले इड्वार्डसँग ६१ रनको साझेदारी गरे ।
चौथो विकेटको रुपमा नेदरल्यान्ड्सले सर्वाधिक रन बनाएका बास डे लीडेलाई गुमायो । उनी १७ औं ओभरको अन्तिम बलमा ४१ रनमा पेभिलियन फर्किए। उनले ४९ बलमा ३ चौका र २ छक्का प्रहार गरे । सन्दीपको स्पेलको चौथो ओभरको अन्तिम बलमा कुसल भुर्तेलले क्याच गर्दै बासलाई मैदान बाहिर पठाएका थिए ।
