त्रिदेशीय कप टी-२० क्रिकेट सिरिजअन्तर्गत आइतबार मलेसिया र नेदरल्यान्ड्सबीच खेल हुँदैछ। कीर्तिपुरस्थित त्रिवि क्रिकेट मैदानमा हुने खेल मध्यान्ह सवा १२ बजे सुरु हुनेछ।
सिरिजमा मलेसियले आफ्नो पहिलो खेल खेल्न लागेको हो। यसअघि आइतबार भएको सिरिजको पहिलो खेलमा नेपालले नेदरल्यान्ड्सलाई ९ विकेटको फराकिलो अन्तरले पराजित गरेको थियो।
कोरोनाका कारण अन्तर्राष्ट्रिय क्रिकेट काउन्सिलले विश्वकप लिग-२ का खेल पटक पटक स्थगित गरेपछि नेपाल क्रिकेट संघले त्रिदेशीय सिरिज आयोजना गरेको हो।
नेपालको दोस्रो खेल मलेसियासँग वैशाख ६ मा हुनेछ। नेपालले तेस्रो खेल नेदरल्यान्ड्सँग वैशाख ७ मा खेल्नेछ।
नेपालले आफ्नो सिरिजको लिगको अन्तिम खेल मलेसिया वैशाख ९ गते खेल्ने भएको छ।
लिगमा शीर्ष दुईमा स्थान बनाउन सकेको खण्डमा नेपालले वैशाख ११ गते फाइनल खेल्नेछ।
