राजधानीमा जारी त्रिकोणात्मक टी-२० सिरिजको दोस्रो खेलमा नेदल्याण्ड्सका ओपनिङ ब्याट्सम्यान म्याक्स ओदाउदले मलेसियाविरुद्ध शतक बनाएका छन् ।
उनले ५९ बलमा १० चौका र पाँच छक्कासहित शतक बनाएका हुन्।
यो नेदरल्यान्ड्सका खेलाडीले टी-२० मा हानेको सर्वाधिक स्कोर हो। म्याक्स शनिबार नेपालविरुद्ध १० रन बनाएर आउट भएका थिए ।
नटआउट रहेका उनले आइतबार मलेसियाविरूद्ध ७३ बलमा १३३ रन जोड्ने क्रममा १५ चौका र ६ छक्का हिर्काए।
म्याक्सको सतकसँगै नेदरल्याण्ड्सले मलेसियालाई १ सय ९२ रनको लक्ष्य दिएको छ ।
कीर्तिपुरस्थित त्रिवि क्रिकेट मैदानमा टस जितेर पहिले ब्याटिङ गरेको नेदरल्यान्डसले निर्धारित २० ओभरमा २ विकेट गुमाउँदै १९१ रन जोडेको हो।
म्याक्सबाहेक नेदरल्याण्डका लागि स्कट इड्रवासले ३३ र बेन कपूरले नटआउट २० रनको थप योगदान दिए।
बलिङमा अवर रहमान र वीरन्दीप सिंहले मलेसियाका लागि एक-एक विकेट लिए ।
