त्रिदेशीय कप टी-२० सिरिजमा आज नेपाल र मलेसियाबीच प्रतिस्पर्धा हुँदैछ। कीर्तिपुरस्थित त्रिवि क्रिकेट मैदानमा हुने खेल दिउँसो सवा १ बजे सुरु हुनेछ।
शनिबारदेखि सुरू भएको सिरिजको पहिलो खेलमा नेपालले जित हात पारेको थियो। नेपालले शनिबार नेदरल्यान्ड्सलाई ९ विकेटको फराकिलो अन्तरले पराजित गरेको थियो।
आइतबार भएको दोस्रो खेलमा नेदरल्यान्ड्स विजयी भयो। नेदरल्यान्ड्सले मलेसियालाई १५ रनले पराजित गर्यो।
नेपाल र मलेसियाबीच पछिल्लो पटक फेब्रुअरी २९, २०२० मा प्रतिस्पर्धा भएको थियो। थाइल्यान्डमा भएको एसिसी पूर्व क्षेत्रीय प्रतिस्पर्धामा नेपालमाथि मलेसियाले २२ रनको जित हात पारेको थियो।
त्यसअघिका तीन खेलमा भने नेपालले मलेसियामाथि जित हात पारेको थियो।
सिरिजमा नेपालले तेस्रो खेल नेदरल्यान्ड्सँग वैशाख ७ मा खेल्नेछ।
नेपालले आफ्नो सिरिजको लिगको अन्तिम खेल मलेसिया वैशाख ९ गते प्रतिस्पर्धा गर्नेछ।
लिगमा शीर्ष दुईमा स्थान बनाउन सकेको खण्डमा नेपालले वैशाख ११ गते फाइनल खेल्नेछ।
