नेपाल क्रिकेट संघ (क्यान) का सचिव अशोकनाथ प्याकुरेलले राजधानीमा जारी त्रिदेशीय कप टी-२० सिरिजमा दर्शकलाई प्रवेश निषेध गर्ने बताएका छन्।
सिरिजअन्तर्गत आज दिउँसो कीर्तिपुरस्थित त्रिवि मैदानमा नेपाल र मलेसियाबीच खेल हुँदैछ।
मन्त्रिपरिषद्ले दर्शकसहितको रंगशालामा खेल गराउने निषेध गराएको अवस्थामा दर्शकबिना सिरिज सञ्चालन गर्ने उनको भनाइ छ।
'शिक्षामन्त्रीले दर्शकबिना खेल सञ्चालन गर्न सकिने जनाकारी गराउनुभएको छ। सरकारको निर्णयको विषयमा बुझेर अघि बढ्न क्यानका जनरल म्यानेजरलाई निर्देशन दिएको छु,' प्याकुरेलले भने।
सिरिजअन्तर्गत शनिबार नेपाल र नेदरल्यान्ड्सबीचको खेल तथा आइतबार मलेसिया र नेरल्यान्ड्सबीचको खेलमा दर्शकलाई प्रवेश दिइएको थियो। सिरिजका लागि अनलाइनबाट १ सय ५० रुपैयाँको दरमा टिकट विक्री गरिएको थियो।
