राजधानीमा जारी त्रिकोणात्मक टी–ट्वान्टी क्रिकेट सिरिजमा नेपालले अहिले मलेसियासँग प्रतिस्पर्धा गर्दैछ । टियु अन्तर्राष्ट्रिय क्रिकेट मैदानमा नेपालले टस जितेर मलेसियालाई पहिले ब्याटिङको निम्तो दिएको छ।
नेपालले दोस्रो सफलता पाएको छ। नेपालका लागि करन केसीले पहिलो विकेट लिए। दोस्रो ओभरको चौथो बलमा विकेट किपर विनोद भण्डारीको हातबाट क्याच आउट गराउँदै पहिलो सफलता दिलाएका हुन्।
मलेसियाका ओपनर अनवार अरूदिन ४ बलमा ८ रन बनाएर आउट भएका हुन्।
यस्तै चौथो ओभरको दोस्रो बलमा मलेसियन खेलाडी रनआउटको सिकार भए।
चौथो ओभरको दोस्रो बलमा कप्तान अहमद फाइज ३ रनमा रन आउट हुन पुगेपछि नेपालले दोस्रो सफलता हात पारेको हो । दोस्रो रन लिनेक्रममा अजिज सायदसँग तालमेल गर्न नसक्दा विनोद भण्डारीको थ्रो मा करण केसीले रन आउट गराएका थिए ।
नेपालले मलेसियाविरुद्ध नेपालले एक खेलाडी परिवर्तन गरेको छ ।
नेपालले कुशल मल्ललाई टिममा राखेको छ । आरिफ शेखको स्थानमा कुशलले मौका पाएका हुन् ।
पहिलो खेलमा नेदरल्यान्ड्सलाई पराजित गरेको नेपाल सिरिजमा लगातार दोस्रो जित निकाल्ने लक्ष्यका साथ मैदान उत्रिएको छ।
यता मलेसिया भने पहिलो जितको खोजीमा रहेको छ ।
