त्रिकोणात्मक टी-२० सिरिजमा नेपाल र मलेसियाबीच आज प्रतिस्पर्धा हुँदैछ। सिरिजको समूह चरणको अन्तिम खेलको रूपमा रहेको यो खेल दिउँस सवा १ बजे कीर्तिपुरस्थित त्रिवि मैदानमा हुनेछ।
नेपाल र नेदरल्यान्ड्स यसअघि नै सिरिजको फाइनलमा पुगिसकेकाले खेल प्रतिष्ठाको लडाइँको रुपमा रहेको छ।
त्रिकोणात्मक टी-२० सिरिजमा बुधबार नेदरल्यान्ड्स र मलेसियाबीचको खेल बराबरीमा सकिएको थियो। जसका कारण नेपाल र नेदरल्यान्ड्स फाइनलमा पुगेका थिए।
समूह चरणका सबै चार खेल खेलेको नेदरल्यान्ड्सको ५ अंक भएको छ भने अन्तिम खेलअघि नेपालको ४ अंक छ। मलेसियाले १ अंक मात्र जोडेको छ।
उपाधिका लागि नेपाल र नेदरल्यान्ड्सबीच आगामी शनिबार प्रतिस्पर्धा हुनेछ।
यसअघि नेपालले सुरुवाती दुई खेलमा जित हात पारेको थियो। नेपालले पहिलो खेलमा नेदरल्यान्ड्सलाई ९ विकेट र दोस्रो खेलमा मलेसियालाई पनि ९ विकेटले हराएको थियो। तेस्रो खेलमा भने नेपाललाई नेदरल्यान्ड्सले ३ विकेट पराजित गरेको थियो।
1618823518.jpeg)
