टोटनहम युरोपा कन्फ्रेन्स लिगबाट बाहिरिएको छ।
कोभिडका कारण रेनेसविरूद्ध खेल खेल्न नसकेपछि टोटनहम बाहिर भएको हो।
समूह चरणको अन्तिम खेलमा टोटनहमले रेनेससँग खेल्ने तालिका भए पनि टिमका खेलाडीमा कोभिड देखिएपछि खेल स्थगित भएको थियो। तर टोटनहमले खेलको नयाँ मिति तय गर्न नसक्दा खेल रद्द हुँदा टोटनहम प्रतियोगिताबाट बाहिरिएको छ ।
यसअघि डिसेम्बर नौ तारिखका लागि तय भएको टोटनहम र रेनेसको खेल खेलाडी र पदाधिकारीलाई कोभिड भएपछि अन्तिम समयमा आएर स्थगित भएको थियो।
यो खेलका लागि रेनेस टिम लण्डन पुगिसकेको थियो भने खेलका अघिल्लो राती मात्र स्थगित भएको जानकारी दिइएको थियो।
समूह जीको अन्तिम खेलमा टोटनहमलाई जित्नैपर्ने बाध्यता थियो। तर खेल नै नभएपछि समूह चरणमा तेस्रो स्थानमा रहँदै प्रतियोगिताबाट बाहिरिएको हो।
यो समूहबाट रेनेस र भाइटेस अघिल्लो चरण पुगेका छन्।
