सुनसरी १ मा राप्रपा उम्मेद्वारले अग्रता लिएका छन्।
प्रतिनिधि सभातर्फको प्रारम्भिक गणनामा राप्रपाका अशोककुमार राईले १७४ मत प्राप्त गर्दा एमालेबाट बागी उम्मेदवारी दिएका मनोज मेयाङ्बोले १४१ मत ल्याएका छन्। उनी दोस्रो स्थानमा छन्।
तेस्रो स्थानमा राष्ट्रिय स्वतन्त्र पार्टीका सरिन गुरुङ छन्। उनले ११३ मत पाएका छन्।
सत्ता गठबन्धनका माओवादी उम्मेदवार मुक्साहाङ मेयाङ्बोले ७० मत ल्याएका छन्।
एमालेको समर्थन पाएका जनता समाजवादी पार्टीका अशोक राईले २५ मत पाएका छन्। उनी पाँचौं स्थानमा छन्। मतगणना जारी छ।
