मोरङ क्षेत्र नम्बर ३ को पछिल्लो मतपरिणाम प्राप्त भएको छ।
यहाँ नेपाली कांग्रेसका सुनिल शर्माले आफ्ना निकट प्रतिद्वन्द्वी नेकपा एमालेका भानुभक्त ढकाललाई दोब्बरभन्दा बढी मतले पछाडि पारेका छन्। अभिनेत्री तथा राष्ट्रिय प्रजातन्त्र पार्टीकी उम्मेदवार रेखा थापा तेस्रो स्थानमा छिन्।
निर्वाचन आयोगले सार्वजनिक गरेको तथ्यांकअनुसार कांग्रेसका सुनिल शर्माले ११०४ मत ल्याएका छन् भने दोस्रो स्थानमा रहेका नेकपा एमालेका भानुभक्त ढकालको मत ५३९ छ।
तेस्रो स्थानमा रहेका राष्ट्रिय प्रजातन्त्र पार्टीकी उम्मेदवार रेखा थापाले २४२ मत मात्र पाएकी छन्।
शर्मा र ढकाल यहाँ दोस्रोचोटि एकअर्कासँग चुनावी प्रतिस्पर्धामा ओर्लिएका हुन्। २०७४ सालको निर्वाचनमा पनि सुनिल शर्मा र भानुभक्त ढकालबीच नै प्रतिस्पर्धा थियो। त्यति बेला ढकालले शर्मालाई हराएका थिए।
