महोत्तरी क्षेत्र नम्बर ३ मा गठबन्धनका उम्मेदवार लोकतान्त्रिक समाजवादी पार्टी (लोसपा) का महन्थ ठाकुरलाई पछि पार्दै स्वतन्त्र उम्मेदवार रामआधार कापरले अग्रता लिएका छन्।
यहाँ अहिलेसम्म ३३१० मत गन्दा माछा चुनाव चिह्न लिएर उठेका कापरले १५०८ मत ल्याएका छन् भने दोस्रो स्थानमा रहेका लोसपाका महन्थ ठाकुरले ८४४ मत पाएका छन्। उनीहरूको मतान्तर ६६४ छ।
नेकपा एमालेबाट टिकट नपाएपछि कापर स्वतन्त्र लडेका थिए।
उपेन्द्र यादव नेतृत्वको जनता समाजवादी पार्टी (जसपा) का उम्मेदवार हरिनारायण यादव तेस्रो स्थानमा छन्। उनले ५२२ मत ल्याएका छन्।
