इलाम क्षेत्र नम्बर २ मा नेकपा एमालेका सुवासचन्द्र नेम्वाङले झन्डै ६ सय मतको अग्रता लिएका छन्।
पछिल्लो मतपरिणाम अनुसार नेम्वाङले ८ हजार २९६ मत ल्याउँदा उनका निकटतम प्रतिद्वन्द्वी नेपाली कांग्रेसका डम्बरबहादुर खड्काले ७ हजार ६९९ मत प्राप्त गरेका छन्।
यो क्षेत्रमा नेम्वाङ र खड्काबीच कडा टक्कर देखिएको छ।
पछिल्लो मतपरिणाम अनुसार यी दुई प्रतिस्पर्धी अघिपछि हुँदै आएका छन्।
यस्तै, राष्ट्रिय जनमुक्ति पार्टीका खड्गप्रसाद पालुवा ८९० मतसहित तेस्रो स्थानमा छन्।
इलाम-२ मा यसअघिको निर्वाचनमा पनि एमालेका नेम्वाङ नै निर्वाचित भएका थिए। नेम्वाङ यो क्षेत्रमा २०५६ सालदेखि सांसद चुनिँदै आएका छन्।
