५६ वटा प्रदेशसभा सिट रहेको प्रदेश १ मा हालसम्म ३ सिटको नतिजा आउँदा नेपाली कांग्रेसले दुई र नेकपा माओवादी केन्द्रका एक जना उम्मेदवार विजयी भएका छन्।
मोरङ ५ को क्षेत्र नम्बर १ बाट कांग्रेसका गयानन्द मण्डल प्रदेश सभामा विजयी हुँदा कांग्रेसबाटै ओखलढुंगामा प्रदीपकुमार सुनुवार विजयी भएका छन्।
ओखलढुंगाकै क्षेत्र नम्बर २ बाट माओवादीका बाबुराम गौतम निर्वाचित भएका छन्।
मोरङ ५ को १ बाट निर्वाचित कांग्रेसका मण्डलले १४ हजार ८४३ मत ल्याएर निर्वाचित भएका हुन्।
उनका प्रतिस्पर्धी एमालेका उम्मेदवार सन्तोष कुमार साहले ९ हजार ४०२ मत ल्याएका छन्।
ओखलढुंगा १ मा कांग्रेसका सुनुवारले १४ हजार ९१६ मत ल्याएर जित्दा एमालेका अम्बिरबाबु गुरूङ १४ हजार ५५६ मत ल्याएर पराजित भए।
जिल्लाको प्रदेशसभा २ नम्बर क्षेत्रमा माओवादीका गौतमले १५ हजार ७३८ मत ल्याएर जित्दा एमालेका ज्ञानबहादुर खड्का १४ हजार ६४० मत ल्याएर पराजित भए।
