यही फागुन १६ र १७ गते काठमाडौंमा ‘साना किसान सम्मेलन’ आयोजना हुने भएको छ ।
साना किसानमा समृद्धि ल्याउने गरी आवश्यक योजना बनाउन काठमाडौंमा सो सम्मेलन आयोजना गर्न लागिएको हो । साना किसानको समृद्धि, कृषि रुपान्तरण र उद्यमशीलता विकासका लागि आवश्यक योजना तय गर्न साना किसान सम्मेलन आयोजना गर्न लागिएको साना किसान विकास लघुवित्त वित्तिय संस्था लिमिटेडका उपाध्यक्ष खेमबहादुर पाठकले जानकारी दिए।
उनले सोमबार काठमाडौंमा पत्रकार सम्मेलन गरी राष्ट्रिय तथा अन्तराष्ट्रिय क्षेत्रको सम्बन्धित क्षेत्रका विज्ञहरु समेत सहभागी हुने सम्मेलनमा साना किसान विकास कार्यक्रमबारे विस्तृत छलफल हुने एजेन्डा पनि तय गरिएको बताए।
प्रधानमन्त्री केपी शर्मा ओलीले उद्घाटन गर्ने सम्मेलनमा साना किसान विकास लघुवित्त वित्तीय संस्था, साना विकास बैंक र यस क्षेत्रमा कार्यरत नीति निर्मातासहितको सहभागिता रहनेछ ।
