राष्ट्रपतिसमक्ष लोकसेवा आयोगको प्रतिवेदन पेश राष्ट्रपति विद्यादेवी भण्डारीसमक्ष लोकसेवा आयोगका अध्यक्ष उमेशप्रसाद मैनालीले आयोगको आर्थिक वर्ष २०७६। ०७७ को वार्षिक प्रतिवेदन पेश गरेका छन्।
नेपालको संविधानको धारा २९४ बमोजिम राष्ट्रपति भवन, शितल निवासमा आज सो प्रतिवेदन पेश गरिएको राष्ट्रपतिको कार्यालयका सहायक प्रवक्ता केशवप्रसाद घिमिरेले विज्ञप्तिमार्फत् जानकारी दिए।
