अफगानिस्तानको राजधानी काबुल प्रवेश गरेका मुस्लिम अतिवादी विद्रोही समूह शक्ति हस्तान्तरणको वार्ता गर्न राष्ट्रपति कार्यालय जाने भएका छन्।
एक जना सरकारी अधिकारीलाई उद्धृत गर्दै समाचार संस्था एपीले जनाएअनुसार तालिबान वार्ताकारहरू राष्ट्रपति कार्यालय जाँदै छन्।
यसअघि आजैमात्र पूर्वी सहर जलालावाद कब्जामा लिएका तालिबानहरूले राजधानी काबुलमा भिडन्त गरेर नपस्ने बताएका थिए।
आइतबार विज्ञप्ति जारी गर्दै तालिबानका प्रवक्ताले आफ्ना लडाकुहरूलाई काबुलको गेटमा बस्न भनेका थिए। शान्तिपूर्ण रूपमा काबुलमा पस्नेबारे छलफल भइरहेको उनले बताएका थिए।
सोही विज्ञप्तिमार्फत् तालिबानहरूले राष्ट्रपति असरफ घानीको प्रशासनमा काम गर्ने कर्मचारी, सेना र नागरिकसँग कुनै बदला नलिने र उनीहरूलाई माफी दिने बताएका थिए।
1629019908.jpg)
