नेकपा (माओवादी केन्द्र) को केन्द्रीय समितिको बैठक भोलि बस्ने भएको छ।
आइतबार बिहान ८ बजे पार्टी केन्द्रीय कार्यालयमा केन्द्रीय समितिको बैठक बस्ने प्रवक्ता कृष्णबहादुर महराले जानकारी दिए।
आइतबारदेखि माओवादीको प्रथम राष्ट्रिय सम्मेलन हुँदैछ।
सम्मेलन राजधानीको कमलादीस्थित नेपाल प्रज्ञा प्रतिष्ठानमा हुनेछ।
प्रवक्ता महराले आइतबार अपराह्न १ बजे सम्मेलन सुरू हुने जानकारी दिए।
सम्मेलनको तयारीस्वरूप आज अपराह्न बसेको स्थायी समिति बैठकमा सहभागी हुने प्रतिनिधिका सम्बन्धमा छलफल भएको उनले बताए।
