हाल धमाधम छायाँकन भइरहेको प्रेमकथा 'ए मेरो हजुर ३' सिनेमाको सुटिङका तस्वीरहरू बाहिरिएका छन्। सार्वजनिक तस्विरहरूमा अभिनेता अनमोल केसी डेब्यू नायिका सुहाना थापासँग रोमान्टिक मुडमा देखिएका छन्।
उनीहरू सिनेमा समाविष्ट गीतको दृश्यका लागि तस्विरमा रोमान्टिक बनेका हुन्। सार्वजनिक भएको तस्वीरहरू मनाङको आइस लेकमा खिचिएको हो।
सुहाना चर्चित अभिनेत्री झरना थापा तथा निर्माता सुनिल कुमार थापाकी छोरी हुन्।
आफ्नी छोरीलाई स्टार डेब्यू गराउने दाउमा रहेकी झरना नै यस सिनेमाकी निर्देशक हुन्। लामो समय नायिकाका रूपमा नेपाली रजतपटमा समय बिताएकी थापाले 'ए मेरो हजुर २'बाट निर्देशनमा डेब्यू गरेकी थिइन्।
डेब्यू अभिनेता सलिन मान बामियालाई स्टार नायिका बन्ने क्रममा रहेकी साम्राज्ञी राज्य लक्ष्मी शाहलाई जोडी बाँधेको फिल्म सफल भएपछि आफ्नी छोरीका लागि तेश्रो सिक्वल उनले बनाएकी हुन्।
प्रेमकथा भन्ने सिनेमा यस वर्ष चैत २९ मा रिलिज गरिने घोषणा भइसकेको छ।
सिनेमामा अनमोल र सुहानाका अलवा सलोन बस्नेत, अर्पण थापा, रविन्द्र झालगायतका कलाकारहरुको पनि अभिनय छ । यसमा निर्देशक थापा र सुमन पौडेलको कथा, कल्याण सिंह, कोशिश क्षेत्री, प्रतिक पौडेल र आशिष अविरलको संगीत, रोशन श्रेष्ठले द्वन्द्व र सञ्जय लामाको छायांकन रहेको छ ।
(1).JPG)
