सन् २०२२ मा अहिलेसम्म बलिउडमा धेरै फिल्म रिलिज भएका छन्। एकातिर साउथका फिल्मले राम्रो कमाइ गरिरहेका छन् भने अर्कोतर्फ सुपरस्टारलाई लिएर बनेका बलिउड चलचित्रले खासै ब्यापार गर्न सकेनन्।
काश्मीर फाइल्स र भूल भुलैया-२ बाहेक अधिकांश बलिउड फिल्म फ्लप भएका छन्। यो लिस्टमा अक्षय कुमारदेखि अजय देवगनसम्मका फिल्म समावेश छन्। हेरौं हालसम्म २०२२ मा रिलिज भएका कुन-कुन फिल्म फ्लप भए।
अक्षय कुमारको ‘बच्चन पाण्डे’
अक्षय कुमारले बलिउडमा धेरै हिट फिल्म दिए। तर सन् २०२२ मा उनको भाग्य राम्रो हुन सकेन। २०२२ मा आएका उनका फिल्मले खास चमत्कार देखाउन सकेनन्। त्यसमध्ये बच्चन पाण्डेको फिल्मले ६८ करोड ६१ लाखको मात्रै व्यापार गर्न सकेको भारतीय सञ्चारमाध्यमले जनाएका छन्।
अजय देवगनको ‘रनवे ३४’
अजय देवगनको फिल्म रनवे ३४ बाट निर्मातालाई धेरै आशा राखेका थिए। तर फिल्मले खासै सोचेजस्तो व्यापार गर्न सकेन। फिल्मले कुल ४७.६५ करोड कमाएको थियो।
टाइगर श्राफको ‘हिरोपन्ती २’
यस वर्ष फ्लप फिल्मको सूचीमा भर्खरै मात्र टाइगर श्राफको फिल्म हिरोपन्ती २ थपिएको छ। ठूलो बजेटमा बनेको उनको फिल्मले कुल ३५ दशमलव १३ करोडको ब्यापार गरेको छ।
शाहिद कपुरको 'जर्सी'
यस्तै सन् २०२२ मा चर्चित स्टार यशको फिल्मपछि रिलिज भएको फिल्म जर्सी नराम्रोसँग फ्लप भयो। यस फिल्मको नायक शाहिद कपुर थिए, फिल्मले जम्मा २७.९ करोड मात्र कमाउन सकेको थियो।
रणवीर सिंहको 'ज्येशभाई जोरदार'
रणवीर सिंहको फिल्म ज्याशभाई जोरदारलाई निकै आशावादी फिल्म भनिएको थियो। प्रदर्शन अगाडि फिल्मको कथा र पात्रलाई लिएर निकै तारिफसमेत भएको थियो तर कमाईको हिसाबले यो फिल्म निकै पछाडि छ। फिल्मले हालसम्म २३.७९ करोड मात्र कमाइ गरेको छ।
कंगना रनौतको ‘धाकड’
कंगना रनौत यतिबेला निकै चर्चामा छिन्। उनको शो लकअपलाई मानिसहरूले निकै मन पराएका थिए तर उनको फिल्म ‘धाकड’लाई फ्यानहरूले रुचाएनन्। फिल्मले जम्मा ३.७७ करोडको मात्रै ब्यापार गरेको छ।
