तस्बिरमा हेर्नुस् देशभर यसरी बनाइँदै छ मतदान केन्द्र र मत गणनास्थल

सेतोपाटी

मंसिर ३

आसन्न मंसिर ४ गतेको प्रतिनिधिसभा तथा प्रदेशसभा सदस्य निर्वाचनका लागि देशभर मत गणनास्थल र मतदान केन्द्र धमाधम निर्माण भइरहेका छन्।

मतदानस्थल पुगेका कर्मचारीले मदिरा, हातहतियार, चुनावी प्रचार–प्रसार र शान्ति भंग गर्न निषेधसम्बन्धी सूचना टाँस गरेर मतदान केन्द्र तथा मतदानस्थल निर्माण गरिरहेका छन्।

मंसिर ४ भोलि हुने प्रतिनिधिसभा र प्रदेशसभा सदस्य निर्वाचनका लागि व्यवस्थापन गरिएको बाँकेको खजुरा गाउँपालिका– ७ को (क) र (ख) मतदान केन्द्र। तस्बिरः भेषराज बस्नेत/रासस

मङ्सिर ४ गते आइतबार हुने प्रतिनिधिसभा एवं प्रदेशसभा निर्वाचनका लागि शनिबार भरतपुर महानगरपालिका वडा नं १० मा रहेको भरतपुर माध्यामिक विद्यालयको मतदान स्थलमा मतदान केन्द्र निर्माण गर्दै कर्मचारी। तस्बिरः नारायण अधिकारी/रासस

निर्वाचनमा खटिएका कर्मचारीले मतपत्र, मतपेटिका, मतदाता नामावली, छेकाबारा, रबर म्याट, सुरक्षण सिल, स्वस्तिक छापलगायतका ६२ प्रकारका निर्वाचन सामग्री मतदानस्थल पुर्‍याएका छन्।

आदर्श मावि विराटनगरमा तारबाररहित गणनास्थल तयार। तस्बिर: राजु अधिकारी

यसैबीच प्रतिनिधिसभा र प्रदेशसभा निर्वाचनको लागि तयारी पूरा भएको निर्वाचन आयोगले जनाएको छ।

आइतबार बिहान ७ बजेदेखि साँझ ५ बजेसम्म हुने चुनावका लागि आयोगले तयारी पूरा गरेको प्रमुख आयुक्त दिनेशकुमार थपलियाले जानकारी दिए।

मंसिर ४ भोलि हुने प्रतिनिधिसभा र प्रदेशसभा सदस्य निर्वाचनका लागि व्यवस्थापन गरिएको बाँकेको खजुरा गाउँपालिका– ७ को (क) र (ख) मतदान केन्द्र। तस्बिरः भेषराज बस्नेत/राससमंसिर ४ भोलि हुने प्रतिनिधिसभा र प्रदेशसभा सदस्य निर्वाचनका लागि व्यवस्थापन गरिएको बाँकेको खजुरा गाउँपालिका– ७ को (क) र (ख) मतदान केन्द्र। तस्बिरः भेषराज बस्नेत/रासस

मोरङको सुन्दरहरैँचा १० स्थित सुकुना माध्यमिक विद्यालयमा रहेको मतदान केन्द्रमा मतदानस्थल निर्माण गर्दै कामदार । तस्बिर – मणिराम दाहाल/ रासस

मङ्सिर ४ गते हुने निर्वाचनका लागि रुपन्देहीको क्षेत्र नं ३ मा रहेको बुटवल उपमहानगरपालिका–११ देवीनगरस्थित लुम्बिनी वाणिज्य क्याम्पसको प्राङ्घणमा शनिबार मतदान केन्द्रको व्यवस्थित गर्दै सुरक्षाकर्मी र कर्मचारी। तस्बिर: सुमित्रा अधिकारी/रासस

प्रतिनिधि सभाका लागि प्रत्यक्ष र समानुपातिक गरी दुई सय ७५ र प्रदेशसभाका लागि प्रत्यक्ष र समानुपातिक गरी पाँच सय ५० पदका लागि ११ हजार पाँच सय ४३ उम्मेदवार प्रतिस्पर्धामा छन्।

प्रतिनिधिसभाको प्रत्यक्षतर्फ दुई हजार एक सय ८९ पुरुष र दुई सय २५ महिला गरी कूल दुई हजार चार सय १२ तथा समानुपातिकतर्फ एक हजार १२ पुरुष र एक हजार एक सय ८७ महिला गरी कूल दुई हजार एक सय ९९ उम्मेदवार चुनावी मैदानमा छन्।

प्रदेश सभाको प्रत्यक्षतर्फ दुई हजार नौ सय ४३ पुरुष, दुई सय ८० महिला र एक अन्य गरी कूल तीन हजार दुई सय २४ तथा समानुपातिकतर्फ दुई हजार एक सय ९७ पुरुष र एक हजार पाँच सय ११ महिला गरी कूल तीन हजार सात सय आठ उम्मेदवार प्रतिस्पर्धामा छन्।

भोलि मङ्सिर ४ गत हुने प्रतिनिधिसभा तथा प्रदेशसभा निर्वाचन–२०७९ अन्तर्गत पोखरा महानगरपालिका–८ स्थित राम आधारभूत विद्यालयमा मतदानस्थल निर्माण गरिँदै । तस्बिर: कृष्ण दवाडी/रासस

देशभर १० हजार आठ सय ९२ मतदानस्थलमा २२ हजार दुई सय २७ मतदान केन्द्र निर्धारण गरिएको निर्वाचन आयोगले जनाएको छ। (राससको सहयोगमा)

काठमाडौंमा मतदान केन्द्रको तयारी। तस्बिर: नवीनबाबु गुरूङ

प्रतिनिधिसभा तथा प्रदेशसभा निर्वाचन– २०७९ को लागि मोरङ क्षेत्र नं ५ मा पर्ने विराटनगर–१३ स्थित बाल विकास विद्यालय रानीमा शनिबार बुथ निर्माण गरिँदै। तस्बिर: मनोज दाहाल/रासस

प्रकाशित मिति: शनिबार, मंसिर ३, २०७९ १५:२८

सिफारिस