आज देशभरि नयाँ सांसदका लागि मतदान भइरहेको छ। देशभरिका विभिन्न मतदान केन्द्रमा मतदाता लाइनमा बसिरहेका बेला त्रिभुवन अन्तर्राष्ट्रिय विमानस्थलमा पनि लाइन छ। तर, यो लाइन भोट हाल्नेहरूको नभई विदेश जानेहरूको हो।
चुनावको दिन पनि सयौंको संख्यामा नेपालीहरू विदेश गइरहेका छन्। पछिल्ला वर्षहरूमा वैदेशिक रोजगारीका लागि ठूलो संख्यामा नेपालीहरू खाडी मुलुकसहित मलेसिया र दक्षिण कोरिया जाने गरेका छन्।
राजनीतिक दलहरूले आफ्ना चुनावी घोषणापत्रमा स्वदेशमै रोजगारीको वातावरण बनाउने वाचा गरेका छन्।
