मोरङ क्षेत्र नम्बर ५ मा एमालेका बागी उम्मेद्वार योगेन्द्र मण्डल दुई वटा गठबन्धनका उम्मेद्वारहरुलाई पछि पार्दै जीततर्फ अग्रसर भएका छन्।
मत गणना जारी रहेको मोरङ ५ मा हालसम्म चापाकल चुनाव चिन्हका उम्मेद्वार मण्डलले १९ हजार १६ मत प्राप्त गर्दा उनलाई पछ्याइरहेका जनता समाजवादी पार्टीका राज कुमार यादव १५ हजार ३४२ मतसहित दोस्रोमा छन्।
यादव एमाले–जसपा गठबन्धनका उम्मेद्वार हुन्।
सत्ता गठबन्धनका माओवादी उम्मेद्वार शिव कुमार मण्डल १४ हजार ८६६ मतसहित तेस्रोमा छन्।
