महोत्तरी प्रतिनिधि सभा क्षेत्र नम्बर १ मा नेकपा एमालेका उम्मेदवारले नेकपा माओवादीसँगको मतान्तर घटाएका छन्।
नेकपा माओवादीका गिरिराजगणि पोखरेलले अग्रता लिइरहेको क्षेत्रमा एमालेका लक्ष्मी महतो कोइरीले मतान्तर घटाएका हुन्।
अहिले उनीहरूबीच ६४९ मतको अन्तर छ।
पछिल्लो मत परिणाम अनुसार गिरिराजमणि पोखरेलले १९ हजार ९४१ मत पाएका छन्। यता उनका प्रतिस्पर्धी लक्ष्मी महतो कोइरीले १९ हजार २९२ मत पाएका छन्।
यसअघि पोखरेल १२ सय मतले अगाडि थिए।
यस क्षेत्रमा ६५ हजार ४४० मत खसेको थियो। अहिलेसम्म ५५ हजार ७३४ मत गणना भएको छ।
