प्रवासमा बसेर पनि नेपाली गीत संगीतको क्षेत्रमा लागिरहेकी गायिका बिन्दु पौडेलको तीज गीत ‘भन्त ओई सुन्तली...’ को भिडियो बजारमा आएको छ।
सिड्नीको रकडेलस्थित ईन्द्रेणी फङ्सन सेन्टरमा छायाङ्कन गरिएको उक्त गीतको निर्देशन विजय थापाले गरेका हुन्।
आउँदै गरेको हरितालिका तिजको अवसरमा गीत बजारमा ल्याईएको हो। गीतमा बिन्दु पौडेलको स्वर र शिव हमालको लय / शब्द रहेको छ।
यसअघि बल्ल पर्यौं फेला..., तिमी मेरो मुटु हौ, धडकन हौ..., तिजमा छम छम नाच मायालु..., सोह्र र सत्र कि, तिम्रो र मेरो जोडी मिल्छ रे...लगायतका गीतमा स्वर दिइसकेकी पौडेलले सात वर्ष पछि यो गीत बजारमा ल्याएकी हुन्।
लक्ष्मण सापकोटा र विकास सेढाई को निर्माण संयोजन तथा अंकित केसीको छायांकन रहेको गीतमा मुख्य नायिकाको रूपमा प्रतिमा थापा बस्नेतले अभिनय गरेकी छन्।
हेर्नुहोस् भिडियो
