अस्ट्रेलियाको सिड्नीस्थित नेपालीको बाक्लो बस्ती रहेको ग्रानभीलको ग्रानभील नेप्लीज कम्युनीटी क्लबको अध्यक्षमा रमेश थापा निर्वाचित भएका छन्।
आइतबार सम्पन्न साधारणसभाले स्थानीय समाजसेवी थापाको अध्यक्षतामा नयाँ कार्य समिति चयन गरेको हो। समितिको उपाध्यक्षमा भीम बस्नेत, सचिवमा सौगात भट्टराई, कोषाध्यक्षमा जीवन जोशी र कार्यक्रम संयोजकमा नविन राना निर्विरोध निर्वाचित भए।
कार्य समितिका अन्य पदमध्ये सांस्कृतिक संयोजकमा भीमसेन गुरूङ र कार्यसमिति सदस्यमा दुर्गा डंगोल, पुनम लामिछाने, नारायण बहादुर थापा, नविना श्रेष्ठ, राम रूवाली (पूर्व अध्यक्ष संस्थाको सहयोग तथा सल्लाह सुझावको निमित्त) छन्।
ग्रान्भिल अभिभावक समितिका तर्फबाट पदेन सदस्यमा शुवलाल श्रेष्ठ छन्। निर्वाचनपछि क्लबका पूर्व अध्यक्ष राम रूवालीले कार्यभार नयाँ कार्यसमितिलाई सुम्पिएका थिए।
