आज विश्व फ्रेन्डशीप दिवस। संसारभरका मन मिल्नेहरुले मित्रता गास्ने अनि सम्वन्धको गाँंठो कस्ने दिन।
यसै दिनको अवसर पारेर अस्ट्रेलियाबाट मित्रताका शन्देश छर्ने एउटा म्युजिक भिडियो सार्वजनिक भएको छ।
साथीको साथमा नाम दिइएको यो म्युजिक भिडियो अस्ट्रेलियाको सिड्नीमा रहेको डिजिटल की प्रोडक्सनले बजारमा ल्याएको हो।
फरक स्वरका धनी दिब्य सुब्बाको स्वरमा सजिएको यो गीत भने किर्जन श्रेष्ठले रचेका हुन्।
डिजिटल की प्रोडक्सनका सौरभ मानन्धरको छायांकन रहेको यो म्युजिक भिडीयोमा बिराजसिंह खड्का, निश्चल खड्का ,सौरभ पौडेल र सुरभी मानन्धरले अभिनय गरेका छन्।
निकै लामो समयपछि नयाँ गीत लिएर आएका दिब्य सुब्बाको यो म्युजिक भिडियोको निर्देशन पनि सौरभ माननधरले गरेका हुन्।
