अस्ट्रेलियाको सीड्नीमा बसेर नेपाली कला र संगीतलाई अगाडि बढाउँदै आएका एकजोडी गायक सुजाता उपाध्याय र राजेश केसीले आफ्नो नयाँ गीत तिमी राजी म राजीको म्युजिक भिडियो सार्वजनिक गरेका छन्।
सिड्नीमा रहेको दी नेक्स्ट नामक चर्चित नाट्य समूहले यो गीतमा आफ्नो कलाकारीता प्रर्दशन गरेका छन्।
मिठो सारै मिठो जस्तो गित मार्फत नेपाली संगितमा उदाएको दी नेक्टले तिमी राजी म राजीमा पनि राजेश र सुजाताको स्वरलाई न्याय गरेका छन्। लामो समयदेखि अस्ट्रेलियालाई कर्मभूमि बनाउँदै आएका यी दुई गायकका थुप्रै एकल गीतहरु बजारमा आइसकेका छन्। आनन्द राईको संगित तथा प्रदिप लामाको निर्देशनमा बनेको म्युजिक भिडियोमा दी नेक्स्टका सूचना पौडेल, स्वेता पौडेल,सुरक्षा थापा तथा अमित बज्राचार्य,योगेश कार्की र प्रदीप लामाले नृत्य पस्तुत गरेका छन्।
‘हामीले बिदेशमा बसेर पनि नेपाली भाषा र गीत संगीतलाई अगाडि बढाउने काम गरेका छौ, यसले नयाँ पीढिलाई पनि मुलुकसँंग जोड्ने काम गरिरहेको जस्तो लागेका छ’, सिडनीकी चर्चित गायीका सुजाता उपाध्याय मानन्धरले बताइन्।
