लोक, आधुनिक वा पपगीत होस या गजल, हरेक विधामा पोख्त मानिएका गायक थानेश्वर गौतम र लोकगायीका सम्झना भण्डारी आगामी सेप्टेम्बर १ मा सिड्नीमा प्रस्तुत हुने भएका छन्।
प्रतिभा र क्षमताका कारण प्रवासमा वाहा वाही कमाएका यी गायक गौतम र भण्डारीले बिदेशमा थुप्रै गीतसंगीत प्रस्तुत गरिसकेका छन्।
लामो समयदेखि गीती क्षेत्रमा लागिपर्दै आएका थानेश्वर गौतम अब अष्ट्रेलियावासी नेपालीमाझ पनि गुन्जने भएका छन्। उनको साथमा गायिका सम्झना भण्डारीले बेजोड गीत प्रस्तुत गर्ने भएकी छिन्।
तीजको अबसर पारेर अष्ट्रेलियाको सिड्नीस्थीत रकडेलमा रहेको इन्द्रेणी फङ्सन सेन्टरमा सेप्टेम्बर १ तारेखका हुने तीज रमझममा यो जोडीले सिड्नीका दिदी बहिनी तथा दाजुभाइलाई नचाउने पक्का भएको छ ।
सिड्नी बाहेक पनि मेलबर्न, एडिलेड अनि पर्थलगायतका शहरमा पनि यो जोडीले गीतसंगीत प्रस्तुत गर्ने इन्द्रेणीका सन्चालक लक्ष्मण सापकोटाले बताए। इन्द्रेणी इन्टर्टेनमेन्टको आयोजनामा बुद्ध ज्वेलरीले प्रस्तुत गरेको यो कार्यक्रमको भिसा पार्टनरको रूपमा भने एजुकेशन इ प्लानेट रहेको सापकोटाले सुनाए।
प्रवासमा ब्यस्त नेपाली समाजमा नेपाली कला संस्कृती र चाडबाढलाई सम्झाउन अनि आपसी भाइचारा बढाउन यस्ता कार्यक्रम महत्वपूर्ण हुने लक्ष्मणले बताए। ‘हामीले सोही अनुरूप यस पटक तीजलाई बिशेष बनाउन थानेश्वर र सम्झनाको जोडीलाई सिड्नी बोलाएका हौ, उनले थपे।
_(1).jpg)
