प्रवासमा बसेर नेपाली गीत संगीतमा लागिपरेका युवा गायक राजकुमार गोश्वामीले आफ्नो दोस्रो एल्बम कोशिश २ छिट्टै बजारमा ल्याउने भएका छन ।
आधा दशकअघि ‘कोशिश’ एल्बम निकालेका गायक राजकुमार गोश्वामीले अस्ट्रेलियामा रहेर पनि आफनो गीत संगीतको मोहलाई त्याग्न सकेका छैनन्।
फुर्सद हुने बित्तीकै सुर, ताल अनि लय गास्न बस्ने यी सिड्नीबासी युवा गायकले यस पटक भने केही नयाँ र फरक प्रस्तुतीका साथ बजारमा आउन लागेका हुन्।
नेपाली गीतहरूको संयोजन रहेको एल्बम आगामी महिनाको अन्त्यतिर औपचारिक कार्यक्रम गरी सार्वजनिक गरिने गोश्वामीले बताए।
गोश्वामीले आगामी अक्टोबर महिनाको २६ तारिखका दिन रकडेलको इन्द्रेणी फङसन सेन्टरमा कोशिश २ को भब्य बिमोचन गरिने कार्यक्रम तय भैसकेको बताए।
उनले फरक ढंगमा यस पटक एल्बमको बिमोचन हुन लागेको बताउदै भने, ‘कार्यक्रममा एल्बममा रहेका गीतहरु प्रस्तुतीसँगै एल्बम सार्वजनिक गरिने छ।’
ड्रीम्स रियालीटीले आयोजना गर्ने एल्बम सार्वजनिक समारोहमा गोश्वामीको एकल प्रस्तुतीसंगै सिडनीमा रहेका अन्य कलाकार समेत गायकी रहनेछ।
