नेपालमा गतिलो ओपनिङ व्यापार गरेको 'इन्टुमिन्टु लन्डनमा' फिल्मले अष्ट्रेलियाबाट आफ्नो डायस्पोरा प्रदर्शन सुरू गर्ने भएको छ।
असोज ५ मा रिलिज भएको फिल्मले नेपालमा औषत व्यापार गरेको छ। कोरियोग्राफर रेनेशा बान्तवा राईको डेब्यू निर्देशन फिल्म अष्ट्रेलियामा अक्टोबर ११ र १२ मा प्रदर्शन गरिने निर्माणपक्षले जानकारी दिएको छ।
‘इन्टु मिन्टु लण्डनमा’ को पहिलो प्रदर्शन ११ अक्टोबरमा एडिलेटमा हुनेछ भने १२ अक्टोबरमा सिड्नीको बरउडमा रहेको इभेन्ट फिल्ममा हुने तय भएको छ ।
त्यसपछि फिल्मको क्रमशः मेलबर्न, तासमनिया र क्यानभरालगायतका सहरहरुमा पनि शो हुने उप्रेतीले बताए।
फिल्मको प्रदर्शनमा अभिनेत्री साम्राज्ञी राज्यलक्ष्मी शाह र अभिनेता धिरज मगर उपस्थिति हुने कार्यक्रम छ ।फिल्ममा सारुक ताम्राकार, अर्जुन श्रेष्ठ, दिलभुषण पाठक, विजय लामा र रुवी राणाको पनि अभिनय छ ।
