अस्ट्रेलियन मसल एण्ड मोडेल प्रतियोगितामा मेलबर्न निवासी नेपाली परिक्षित श्रेष्ठले स्ट्रिट मोडेल र फिटनेस नोभिस दुबैमा दोस्रो र फिटनेस ओपन हाइट क्लास १ मा तेस्रो गरी तीन पदक पाएका छन्।
यस्तै सिड्नी निवासी प्रिन्सा श्रेष्ठले स्पोर्टस मोडल ओपेन क्लासमा तेस्रो र स्पोर्टस मोडल नोभिस र फिटनेस मोडल नोभिस दुबैमा पाँचौं गरी तीन पदक हासिल हात पारिन्।
मेलबर्नस्थित कन्भेन्सन सेन्टरमा टोनी एण्ड प्याट्रिसिया लानसियानोको प्रस्तुतिको रुपमा आयोजित करीब दुई साताअघि मात्रै बालाराट युरेका मसल मोडेल प्रतियोगितामा परिक्षित श्रेष्ठले दुई स्वर्ण पदक हात परेका थिए।
यसले उन्लाई यो राष्ट्रियस्तरको च्याम्पियनशिपमा सहभागी हुन योग्य बनाएको थियो ।
अस्ट्रेलियाका बिभिन्न प्रतियोगिताका च्याम्पियन बनिसकेका सन्तोष कुमार श्रेष्ठले परिक्षित र प्रिन्सा श्रेष्ठ दुबैलाई यो राष्ट्रियस्तरको प्रतियोगिताका लागि आवश्यक परामर्श दिएका थिए ।
यो सफलता प्राप्तीले नेपालीको लागि यो क्षेत्र नयाँ नै भए पनि नेपाली यो क्षेत्रमा पनि अगाडि बढ्नसक्ने प्रमाणित गरेको बताए ।
लुम्बिनी-कपिलवस्तु विश्व अभियानका संयोजक रामकुमार श्रेष्ठले परिक्षितलाई बधाई दिँदै छोटो समयमा यसरी प्राप्त गरेको उपलब्धीलाई उल्लेखनीय मान्नुपर्ने बताए।
उनले आगामी दिनमा अझै उल्लेखनीय सफलता हासिल गर्न सकोस् भनी शुभेच्छा प्रकट गरेका थिए।
