सुलभ मास्केको गोल अस्ट्रेलियामा वर्षको उत्कृष्ट गोलको मनोनयमा परेको छ।
अस्ट्रेलियन एफए कपको राउन्ड अफ ३२ अन्तर्गत हेलेकिन एट्लेटिकका लागि गरेको उनलेको गोल एएफए कप २०१८ को उत्कृष्ट गोलको मनोनयनमा परेको हो।
फुटबल अस्ट्रेलियाले पहिलो पटक दिन लागेको अवार्डमा मनाङ मस्र्याङ्दीका पूर्व मिडफिल्डर पर्न सफल भएका छन् ।
वेस्टर्न सिड्नी वान्डरर्स विरुद्ध सुभलले २ गोल गरेपछि उनको टोली त्यो खेलमा ४–३ ले पराजित भएको थियो ।
उत्कृष्ट गोलको अवार्डको मनोनयनमा परेका १० मध्ये सबैभन्दा बढी मत प्राप्त गर्ने विजेता हुनेछ । अस्ट्रेलियन समय अनुसार अक्टोबर २४ मध्यरात ११: ४९ बजेसम्म भोट गर्न सकिनेछ।
उनी नेपालका राम्रा फुटबलरको सूचीमा पर्थे। मनाङ मर्स्याङ्दीबाट ब्यवसायीक फुटबल खेल्ने सुलभ मास्के नेपाली फुटबलमा प्रतिभाशाली खेलाडीका रूपमा स्थापित भइसकेका थिए।
नेपाली फुटबलमा चिनिएका सुलभ खेल्दा खेल्दै उच्च अध्ययनका लागि अस्ट्रेलिया हानिए, धेरैले पत्तो पनि पाएनन्। नेपाली फुटबलको खिचातानी र लिगको अस्तब्यस्तले त्रस्त भइसकेका मास्केलाई अस्ट्रेलियामा केही गर्न सकिन्छ भन्ने आशा थियो।
केही समय अध्ययन र अध्यापनले थिचिएका मास्के अस्ट्रेलियाको उत्तरी शहर डार्बिनमा बस्न थाले। आफूले जानेको कलालाई लुकाएर राख्नु हुन्न भन्ने परिवारको सल्लाह र आफ्नो लगावले उनलाई त्यहाँ पनि फुटबलमा त्यान्यो।
नेपाली समाज भित्र भइरहने थुप्रै प्रतियोगितामा मेलवर्न र सिड्नी चक्कर लगाए। यसैबीच उनले डार्बिनकै ब्यवसायीक क्लबबाट फुटबल खेल्ने मौका पाए।
अहिले डार्बिनको ए डिभिजन क्लब हेलेनिक एथ्लेटिक्सबाट ब्यवसायीक फुटबल खेल्दै आएका शुलभले एफएफए कपमा सिड्नीको सिड्नी वन्डर्स विरुद्ध दुई गोल गरेका थिए। उनले गरेका दुबै गोल खेलको आकर्षणका केन्द्र बनेका थिए। एउटा निकै साँघुरो एंगलबाट हानेको फ्रिकीकलाई गोलमा परिणत गरेका शुलभले कमेन्टेटरकोसमेत वाहवाही पाएका थिए। उनै मास्केले गरेको उक्त गोललाई अष्ट्रेलियन फुटबलले उत्कृष्ट गोलको मनोनयनमा राखेको छ।
अस्ट्रेलियाको उत्तरी भेगीय लिग फुटबलमा १९ गोल गरेर सर्वाधिक गोलकर्ता समेत बनेका सुलभ नेपाली यू १९ फुटबल टोलीका पूर्व कप्तानसमेत हुन्।
नेपालको तुलनामा यहाँ फुटबल खेल्न निकै चुनौती हुने उनले सेतोपाटीसँगको कुराकानीमा भने। ‘नेपालका प्राविधिक रूपमा फुटबल खेलिए पनि अस्ट्रेलियामा भने शारीरिक रुपमा फुटबल खेल्नुपर्छ, जुन हाम्रो शारीरिक बनोटका लागि निकै ठूलो चुनौती छ,’ शुलभले अनुभव सुनाए।
यस्तो थियो उनले गरेको गोल भिडियोमा
सुलभलाई भोट यसरी गर्नुहोस्
