चलचित्र छक्का पन्जा ३ दर्शकको चाहना अनुसार शनिबार सिड्नीका सिनेमा घरमा पुनः प्रर्दशनमा ल्याइएको छ।
रकडेल बोइज र कमेरो इभेन्टको आयोजना तथा ओसिस एजुकेशनको मुख्य प्रायोजनमा ल्याइएको उक्त चिलचित्र हेर्ने दर्शकको ओइरै लागेको थियो।
सिड्नीको विभिन्न सिनेमा घरहरुमा छक्का पन्जा ३ सिनेमा देखाइएता पनि यसको लोकप्रियता दिनदिनै बढ्दै गएको र दर्शकको माग भए बमोजिम रकडेल ब्वाइजले यसै शनिबार पारामाटास्थीत इभेन्ट सिनेमामा पुन प्रर्दशन गरिएको रकडेल ब्वाइजका शितल खाँडले जानकारी दिए।
यसअघि चलचित्र छक्का पन्जा ३ लाई हर्षभिलको इभेन्ट सिनेमामा अक्टोबर १२, १३ १४ र बरउड इभेन्ट सिनेमामा १५, १६,१७ मा प्रदर्सनमा ल्याइएको थियो।
आमा सरस्वती मुभीको ब्यानरमा दिपाश्री निरौलाद्वारा निर्देशित फिल्ममा केदार घिमिरे , दिपक राज गिरी, जितु नेपाल र यमन श्रेष्ठको लेखन छ।
प्रदर्शन पूर्वनै विभिन्न क्षेत्रमा नयाँ रेकर्ड कायम गरेको चलचित्र घटस्थापनाको दिन विश्वव्यापी प्रर्दशनमा आएको थियो।
चलचित्रले नेपाली बजारमा उत्कृष्ट सफलता हासिल गरेपछि यसको चर्चा निकै चुलिएको थियो। हाल नेपालीहरुको बाक्लो उपस्थिति भएको बिभिन्न देशहरुमा चलचित्रको माग बढेको छ।
चलचित्रलाई दर्शकको माग र चाहना अनुसार अझ केही शो थप्न सकिने सिड्नीका आयोजक रकडेल ब्वाइजका शितल खाँडले बताए।
