नेपाली दर्शकबाट उत्कृष्ट प्रतिक्रिया पाएको चलचित्र ‘म यस्तो गीत गाउँछु २ अष्ट्रेलियाको सिड्नीमा शुक्रबार दर्शकका माझ आउने भएको छ।
नायिका पूजा शर्मालगायत कलाकारको उपस्थितिमा हुने यस शोमा दर्शकको बाक्लो उपस्थिति रहने विश्वास आयोजकले लिएको छ।
पल शाह र नायिका पूजा शर्माको मुख्य भूमिका रहेको यो फिल्मलाई सुदर्शन थापाले निर्देशन गरेका हुन्।
यो फिल्मको विदेश राइट्स नेपसिनेले लिएको हो। नेपसिनेका नेपाल प्रमुख विधान कार्कीले फिल्मलाई दर्शकले मन पराएको कारण अस्ट्रेलिया आइपुगेको बताए।
सिड्नी शोको व्यवस्थापन कलर्स अफ नेपालले गरेको हो। चलचित्र शुक्रबार सिडनीको हर्षभिलस्थित सिभिक थिएटरमा साँझ साढे पाँच बजे सुरू हुने बिधानले जानकारी दिए।
