प्रवासमा बसेर नेपाली गीत संगीतको मोह त्याग्न नसक्दा कयैन श्रष्टाहरु अझै पनि मझदारमा देखिन्छन्।
उनीहरु ब्यवशायिक रुपमा पूर्णकालिन कलाकार पनि बन्न सक्दैनन् तर संगीतको मोह पनि छाड्न सक्दैनन्।
यस्तै यस्तै श्रष्टाहरुले जोगाएका छन् प्रवासमा नेपाली कला संस्कृती। आफ्नो संगीतप्रतिको मोह र प्रवासको ब्यस्त जीवनबिचको तालमेल मिलाउनु चानचुने कुरा होइन।
यती हुँंदाहुदै पनि ब्यस्त जिवनशैलीलाई थाँंती राखेर नेपाली कला साहित्य सृजनामा लागि पर्नेहरुको कमी पनि छैन यहाँं।
यस्तै सिड्नीमा बसोबास गर्दै आएका गायक ईश्वर पोखरेलले माया गर्छु भन्ने नयाँ म्युजिक भिडियो हालै बजारमा सार्वजनिक गरेका छन्।
गत वर्ष सार्वजनिक गरिएको उडान एल्बमको यस गित ‘माया गर्छु भनी देउन ” का शब्दहरु प्रदिप चापागाईंका हुन् भने यस गीतलाई संगीतकार कल्याण सिंहले संगीत भरेका छन्।
अस्ट्रेलियाका युवा निर्देशक मनोज अधिकारीको निर्देशन र सौरभ मानन्धरको छायांकन रहेको म्युजिक भिडियोलाई प्रविन श्रेष्ठले सम्पादन गरेका हुन्।
यस म्युजिक भिडियोमा प्रदिका श्रेष्ठ र निश्चल खड्काले अभिनय गरेका छन्। ईश्वरले यस अघि पनि काली मोरीले जस्ता थुप्रै चर्चित गीत पस्किसकेका छन्।
https://www.youtube.com/watch?v=70nEXqI0iZE
