अफगानिस्तानको उत्तरी कुन्दुज प्रान्तको अलि अबाद जिल्लामा आइतबार भएको गोली हानाहानमा तीन जना प्रहरी सहित सात जनाको मृत्यु भएको छ।
जिल्लाका गभर्नर अमानुदिन कुरैसीले मारिएका व्यक्तिमध्ये चार जना विद्रोही लडाकूहरु रहेको जानकारी दिए।
उनले आइतबार स्थानीय समयअनुसार बिहान ३ बजे तालिबान लडाकू समूहले किसाटोपाक क्षेत्रको सुरक्षा जाँच चौकीमा आक्रमण गरेको बताए।
भिडन्तका क्रममा तीन जना प्रहरीको मृत्यु भएको र अरु चार जना गम्भीर घाइते भएको गभर्नर कुरैसीले बताए।
तालिबान समूहले भने उक्त घटनाका बारेमा केही बताएको छैन।
